У міністэрстве па падатках і зборах Беларусі нагадалі, што падача падатковых дэкларацый пра сукупны гадавы прыбытак скончваецца першага сакавіка. Дэкларацыю можна падаць у падатковы орган асабіста ці праз прадстаўніка, таксама яе можна адправіць па пошце з вопісам укладання ці перадаць з дапамогай праграмных і тэхнічных сродкаў.
Паводле дзейснага заканадаўства, дэкларацыю пра прыбыткі, атрыманыя ў 2009 годзе, абавязаны падаць фізічныя асобы — падатковыя рэзідэнты Рэспублікі Беларусь, якія атрымалі прыбыткі, якія падлягаюць падаткаабкладанню.
У міністэрстве падкрэслілі, што падаткаабкладанню падлягаюць прыбыткі, атрыманыя ад іншых фізічных асоб, прыбыткі, атрыманыя за мяжой і (ці) з-за мяжы Беларусі, прыбыткі, якія перавышаюць усталяваныя законам межы, якіяне падлягаюць падаткаабкладанню, іншыя прыбыткі, утрыманне падатку з якіх не ўскладзена на падатковых агентаў, паведамляе БЕЛТА.
У адпаведнасці з законам Рэспублікі Беларусь «Пра падаходны падатак з фізічных асоб», падатковымі рэзідэнтамі Рэспублікі Беларусь прызнаюцца фізічныя асобы, якія фактычна знаходзіліся на тэрыторыі краіны ў каляндарным годзе больш за 183 дні.
Прадстаўнік міністэрства па падатках і зборах звярнуў увагу на тое, што з першага студзеня 2009 году сацыяльныя і маёмасныя падатковыя вылікі падаюцца фізічным асобам па месцы асноўнай працы, у сувязі з чым такім асобам няма неабходнасці звяртацца ў падатковы орган за іх атрыманнем.
З уводзінамі адзінай шкалы падаходнага падатку ў памеры 12% і парадку вылічэння падаходнага падатку са штомесячнага прыбытку, з 2009 году таксама адмянілі і сукупнае дэклараванне прыбыткаў.