Турыстычныя аператары Беларусі адрэагавалі на дэвальвацыю, праведзеную 24 траўня Нацыянальным банкам краіны. Курсы канвертавання валют пры афармленні пуцёўкі істотна павысіліся. Так, курс даляра ў тураператара "Топ-тур" на 24 траўня складае 8726 рублёў, амаль на 77% вышэй за афіцыйны курс Нацбанка.
Курс еўра тураператара складае амаль 12,34 тыс. рублёў (на 78% вышэй за курс Нацбанка), расійскага рубля — 307,89 рубля (на 77% вышэй).
Тураператар Tez Tour выставіў курс даляра на ўзроўні 8,5 тыс. рублёў (на 73% вышэй афіцыйнага курсу), еўра — 10,5 тыс. рублёў (на 51% вышэй).
Як паведамляў Тэлеграф, з 24 траўня для выхаду на адзіны раўнаважны курс беларускага рубля на ўсіх сегментах унутранага валютнага рынку Нацбанк устанавіў афіцыйны курс беларускага рубля ў адносінах да даляра на ўзроўні 4930 рублёў, у адносінах да еўра — 6914,82 рубля, у адносінах да расійскага рубля — 173,95 рубля, у адносінах да іншых замежных валют — зыходзячы з крос-курсаў гэтых замежных валют да даляра.
Камерцыйныя банкі краіны на 24 траўня ўсталявалі максімальна дапушчальныя курсы замежных валют (Нацбанк вярнуў абмежаванне ў +/-2% пры курсаўтварэнні).
