24. 06. 2011

Лукашэнка: з дапамогай "акцый маўчання" апазіцыя рвецца ва ўладу

З нагоды маштабнай акцыі маўклівага пратэсту, якая прайшла 22 чэрвеня ў Мінску, а таксама ў шматлікіх раённых і абласных цэнтрах Беларусі прэзідэнт выказаўся досыць адмоўна, перадае БелТА.

"Можа хтосьці і незадаволены. У гэтым і сутнасць дэмакратычнага грамадства. Але гэта незадаволенасць павінна вылівацца ў законным парадку. Ёсць месцы - ідзіце тупайце, улюлюкайце, крычыце", - сказаў Аляксандр Лукашэнка.

"Трэба мець на ўвазе, што за спінай у гэтых дзеячаў. Яны ўжо свецяцца, ім мала было судоў і адной нагой у турме, яны яшчэ туды ходзяць і падбухторваюць гэтую моладзь, гэтых пацаноў", - заявіў Аляксандр Лукашэнка, маючы на ўвазе экс-кандыдата у прэзідэнты Уладзіміра Някляева. Апазіцыйны палітык браў удзел у дзвюх апошніх акцыях маўклівай салідарнасці ў Мінску.

"Яны чакаюць, каб назапасіць крытычную масу, а потым гэтае гарматнае мяса наперадзе сябе пусціць і на іх спінах ускочыць ва ўладу. Мы гэта выдатна бачым і разумеем. Таму гэтага каня мы ім асядлаць не дамо", - падкрэсліў кіраўнік дзяржавы.

Між тым, як перадаваў Тэлеграф, ініцыятары акцый маўклівай салідарнасці, арганізаванай актывістамі інтэрнэт-супольнасці "Рэвалюцыя праз сацыяльныя сеткі" першапачаткова падкрэслівалі сваю палітычную неангажаванасць. Удзельнікі акцый пратэстуюць супраць эканамічнай палітыкі ўладаў без выкрыквання лозунгаў і якіх-небудзь заклікаў, як гэта звычайна бывае на пратэстных дэманстрацыях. На акцыях, якія прайшлі ў Мінску і рэгіёнах, ніякай палітычнай сімволікі ў яе ўдзельнікаў заўважана не было.

Из почтовой переписки:
- Абрам, по-моему, наши письма вскрывают. Посылаю тебе в этом письме мой волос.
- Изя, всё нормально! Волос получил!
- Абрам, а я его в конверт не клал!

еще

17 ноября в Беларуси пройдут парламентские выборы.

Намерены ли вы участвовать в них?