У студзені-кастрычніку 2010 года зварот знешняга гандлю Беларусі таварамі склаў 46,688 млрд. даляраў, павялічыўшыся ў параўнанні з аналагічным перыядам мінулага года на 117,7%. Разам з тым адмоўнае сальда за першыя дзесяць месяцаў 2010 года вырасла на 21,5% да 6,932 млрд. даляраў. Пра гэта паведамілі ў Нацыянальным статыстычным камітэце Беларусі.
Пры гэтым адмоўнае гандлёвае сальда з краінамі СНД склала толькі 68,8% ад узроўню папярэдняга года (-4,858 млрд. супраць -7,055 млрд. даляраў). Зменшылася гандлёвае сальда і ў гандлі з краінамі членамі Мытнага саюза з -7,727 млрд. даляраў да -5,891 млрд. даляраў. Пры гэтым у гандлі з Расіяй сальда склала -6 млрд. даляраў супраць -7,9 млрд. за аналагічны перыяд 2009 года, з Казахстанам — 109 млн. даляраў супраць 205 млн. даляраў.
Аднак у гандлі з краінамі па-за СНД гандлёвае сальда, якое было ў 2009 годзе станоўчым, у 2010 годзе стала адмоўным, паменшыўшыся з 1,35 млрд. даляраў да -2,07 млрд. даляраў.
За гэты перыяд экспарт з Беларусі павялічыўся на 17% да 19,878 млрд. даляраў, імпарт жа вырас на 18,2% да 26,81 млрд. даляраў. З краінамі СНД зварот склаў 26,8 млрд. даляраў супраць 21,9 млрд. даляраў (рост — 22%), па-за СНД — 19,8 млрд. даляраў супраць 17,7 млрд. даляраў (рост 12%).
У краіны СНД экспарт вырас на 47,5% (у Расію на 48,6%, Казахстан на 49,3%), імпарт з іх — на 9,2% (з Расіі на 5,1%, Казахстана ў 4,8 раза). Экспарт у краіны па-за СНД знізіўся на 6,8%, імпарт з іх вырас на 34%.
