Прэзідэнты Беларусі і Азербайджана Аляксандр Лукашэнка і Ільхам Аліеў 1 снежня ў Астане на двухбаковай сустрэчы ў рамках саміту АБСЕ пацвердзілі гатоўнасць развіваць партнёрскія і дружалюбныя адносіны паміж краінамі. "Мы сябры, партнёры. З вялікай цеплынёй успамінаем ваш нядаўні візіт у Азербайджан", — заявіў кіраўнік Азербайджана.
Ён таксама адзначыў, што адносіны паміж дзвюма краінамі актыўна развіваюцца ва ўсіх сферах. «Мы радуемся вашым поспехам і спадзяемся на працяг актыўнага супрацоўніцтва», — падкрэсліў ён, перадае БелТА.
Аляксандр Лукашэнка ў сваю чаргу падзякаваў Ільхаму Аліеву за падтрымку, што аказваецца Азербайджанам Беларусі. «І вы можаце быць упэўненыя, што мы свае абавязацельствы перад вашай краінай, перад вамі выканаем», — адзначыў беларускі прэзідэнт.
Акрамя таго, Аляксандр Лукашэнка адзначыў выступ Ільхама Аліева на саміце АБСЕ. «Гэта быў самы кароткі і самы дакладны выступ з усіх, якія мы праслухалі», — заявіў ён.
