Аргкамітэт па стварэнні партыі "Беларуская хрысціянская дэмакратыя" (БХД) падаў у Мінгарвыканкам заяўку на правядзенне 26 красавіка традыцыйнай акцыі апазіцыі "Чарнобыльскi шлях". Пра гэта дзявятага красавіка паведаміў сустаршыня аргкамітэта Віталь Рымашэўскі. Па словах палітыка, фармат акцыі плануецца абмеркаваць таксама са сталічнай міліцыяй.
Сёлета БХД запланавала збор удзельнікаў «Чарнобыльскага шляху» 26 красавіка а 18:00 на пляцоўцы перад будынкам прэзідыума Акадэміі навук. Пасля гэтага апазіцыянеры маюць намер прайсці маршам да Кастрычніцкага плошчы і правесці там мітынг, перадае БелаПАН.
«Раней заяўнікамі заўсёды выступалі прадстаўнікі Партыі БНФ. Цяпер яны толькі далучаюцца да арганізацыі акцыі. Акрамя таго, акцыю падтрымліваюць прадпрымальнікі, аргкамітэт па стварэнні руху салідарнасці «Разам», чарнобыльскія арганізацыі і ініцыятывы», — распавёў апазіцыйны палітык.
