Прэзідэнт Кыргызстана Курманбек Бакіеў заявіў, што не мае намеру вяртацца ў Кыргызстан. У той жа час, як адзначыў кіргізскі лідар, знаходзячыся ў Мінску, ён "не можа сядзець без справы". "Што я далей і як? Цяпер цяжка казаць. Я чалавек вельмі актыўны... Час пакажа, чым я буду займацца", — сказаў Курманбек Бакіеў.
«Я думаю, што тыя веды, досвед — гэта ні ў адной акадэміі я не атрымаў бы. Ніводная акадэмія, ніводныя курсы павышэння кваліфікацыі не далі б столькі, колькі я атрымаў за сваё пяцігадовае прэзідэнцтва. Я думаю, што змагу быць карысным і тут (у Беларусі — Тэлеграф)», — заявіў прэзідэнт Кыргызстана ў інтэрв’ю РИА «Новости».
«У якасці каго, я пакуль не ведаю. Але я зраблю ўсё, каб быць карысным. Не проста тут жыць, а паспрабую быць карысным краіне, прэзідэнту Беларусі, народу Беларусі. Што я змагу зрабіць — дзесьці, штосьці, неяк — я буду рабіць. Я не буду сядзець проста так і марнатравіць астатняе жыццё», — падкрэсліў кіргізскі лідар.
«У мяне ў Беларусі моўнай праблемы няма. Я выдатна разумею і размаўляю па-руску, дзякуй Богу. Гэта першае. Аляксандр Рыгоравіч мяне прыняў не толькі як калегу свайго, а як сябра. Я вельмі ўдзячны яму, перадусім. Я ўдзячны парламенту Беларусі, беларускаму народу, менавіта гасціннаму беларускаму народу», — адзначыў Курманбек Бакіеў.
Бакіеў: усе абвінавачанні на мой адрас абсалютна беспадстаўныя
Прэзідэнт Кыргызстана таксама ў чарговы раз заявіў пра «абсалютную беспадстаўнасць» усіх абвінавачанняў, якія ў дачыненні да яго высоўваюць часовыя ўлады краіны.
«Па-першае, я як кіраўнік дзяржавы не маю ніякага дачынення да абароны Белага дому. Абсалютна. Гэта можа пацвердзіць любы кіраўнік сілавых структур, праваахоўных органаў, хто знаходзіўся ў Белым доме, кіраўнік апарата прэзідэнта. Любы можа сказаць — умешваўся прэзідэнт у абарону Белага дому ці не», — сказаў Курманбек Бакіеў.
Как вам новость?
Головоломки
Выбор читателей
