Пракуратура Мінскай вобласці ўзбудзіла крымінальную справу па арт.391 КК (абраза суддзі або народнага засядацеля) супраць жыхара Барысава, які знаходзячыся ў зале Мінскага абласнога суда, аблаяў матам суддзю, пасля чаго выйшаў з залы суда, пляснуўшы дзвярамі. Па дадзеным факце мужчыну арыштавалі тэрмінам на пяць месяцаў.
Раней суд Барысаўскага раёна прызнаў падсуднага вінаватым у здзяйсненні катавання. Жыхар Барысава падаў касацыйную скаргу на дадзены прысуд у Мінскі абласны суд.
Пасля абвяшчэння рашэння старшыні па справе вызначэння судовай калегіі, паводле якога касацыйная скарга была пакінута без здавальнення, мужчына «наўмысна, у непрыстойнай форме зняважыў гонар суддзі», паведамілі ў генпракуратуры.
Падчас разгляду справы ўжо па новым абвінавачванні ў Ленінскім судзе Мінска, мужчына прызнаў сваю віну і чыстасардэчна пакаяўся ва ўчыненым.