У аўторак, 11 траўня, адбыліся матчы дзявятага тура чэмпіянату Беларусі па футболе. Лідар першынства барысаўскі БАТЭ ў прынцыповым паядынку ў гасцях у мінскага "Дынама" атрымаў перамогу з мінімальным лікам 1:0.
Пераможны гол забіў на другой дададзенай хвіліне гульні бразільскі легіянер барысаўчан Рэнан Брэсан. Для яго гэты мяч стаў пятым у цяперашнім чэмпіянаце. БАТЭ застаецца адзінай камандай, што не прапусціла ніводнага гола ў цяперашнім першынстве, пры 15 забітых мячах, паведамляе БелТА.
Вынікі астатніх сустрэч: «Партызан» (Мінск) — «Белшына» (Бабруйск) — 1:2 (Маеўскі, 4; Сашчэка, 64, Шчагрковіч, 84); «Нёман» (Горадня) — «Шахцёр» (Салігорск) — 0:0; «Нафтан» (Наваполацк) — «Мінск» — 0:0; «Віцебск» — «Тарпеда» (Жодзіна) — 0:2 (Бяганскі, 53, Бруснікін, 62); «Дняпро» (Магілёў) — «Дынама» (Брэст) — 2:1 (Бычонак, 37, Цярэшчанка, 41; Сокал, 21).
Турнірнае становішча: БАТЭ — 21 ачко, «Белшына» — 19, «Дынама» (Брэст) — 15, «Дынама» (Мінск) — 14, «Мінск» — 14, «Дняпро» — 12, «Шахцёр» — 11, «Віцебск» — 11, «Нафтан» — 10, «Тарпеда» — 9, «Нёман» — 6, «Партызан» — 1.
У спрэчцы бамбардзіраў лідзіруе Рэнан Брэсан (БАТЭ), які забіў пяць мячоў.
Матчы наступнага тура адбудуцца ў суботу, 15 траўня.
Как вам новость?
Выбор читателей