20.04.2011 13:46
Архив

Эканамічны суд СНД спыніў вытворчасць па іску Беларусі да Расіі па нафтапошлінах. З хадайніцтвам аб гэтым выступіў міністр юстыцыі Беларусі Віктар Галаванаў. "З улікам таго, што пытанне аб спагнанні пошлін на нафтапрадукты практычна вырашанае, беларускі бок дапушчае адмову ад іскавых патрабаванняў", - заявіў ён.

Ён паведаміў, што цяпер пошліна за расійскія нафтапрадукты не спаганяецца. «Праведзена значная работа аб скарэйшым уступленні ў сілу пагаднення аб парадку залічэння вывазных мытных пошлін пры вывазе нафты і нафтапрадуктаў з мытнай тэрыторыі Мытнага саюза Беларусі, Расіі і Казахстана. Па інфармацыі беларускага боку, з 12 красавіка Дзярждума Расіі атрымала гэты дакумент для ратыфікацыі», — адзначыў Віктар Галаванаў, перадае РИА «Новости».

У сваю чаргу намеснік міністра юстыцыі Расіі Юры Любімаў заявіў, што расійскі бок не пярэчыць супраць адклікання іску. «Мы з задавальненнем вітаем такое рашэнне беларускага боку», — падкрэсліў ён.

Як раней паведамляў Тэлеграф, міністэрства юстыцыі Беларусі ў судовым парадку патрабавала ад Расіі адмяніць вывазныя мытныя пошліны на нафтапрадукты і пастаўляную на беларускія НПЗ расійскую нафтахімічную сыравіну. Адпаведную іскавую заяву мінюст накіраваў 25 сакавіка 2010 года ў Эканамічны суд СНД, што выконвае функцыі Суда ЕўрАзЭС, які з першага ліпеня выконвае функцыі суда Мытнага саюза.

Следите за новостями так, как вам удобно:

Подпишитесь на новостную ленту Telegraf.by в удобном для вас сервисе и ничего не пропускайте!

Дзен Новости Google Новости Telegram Facebook VK.com OK.ru Пульс