Беларусь "надзвычай не задаволеная" працай сумеснага прадпрыемства па вытворчасці іранскіх аўтамабіляў Samand. Пра гэта 16 лютага заявіў першы намеснік прэм'ер-міністра Беларусі Уладзімір Сямашка на пашыраным пасяджэнні пастаяннай камісіі Палаты прадстаўнікоў па дзяржаўным будаўніцтве, мясцовым самакіраванні і рэгламенце, на якім разглядаецца праграма дзейнасці ўрада Беларусі на 2011-2015 гады.
«Мы надзвычай не задаволеныя, як разгортваецца вытворчасць. За пяць гадоў працы зрабілі толькі тысячу аўтамабіляў, і то пад маім націскам яны былі набытыя МУС і іншымі ведамствамі», — цытуе намесніка кіраўніка беларускага ўрада БелаПАН.
Уладзімір Сямашка адзначыў, што аўтамабілі не купляюцца, таму што «і кошт высокі, і састарэлыя мадэлі. «Перад іранскай бокам ставілася пытанне аб будаўніцтве цэхаў афарбоўкі і зваркі, а таксама аб вытворчасці сучасных мадэляў. Месяц таму быў сход акцыянераў, але яны ні пра што не дамовіліся», — канстатаваў першы віцэ-прэм’ер.
Акрамя таго, па словах Уладзіміра Сямашкі, беларускі бок вядзе перамовы з кітайскімі аўтавытворцамі аб стварэнні СП. «Думаю, у гэтым годзе пытанне будзе вырашана, і разгорнем вытворчасць у Абчаку» — сказаў першы намеснік прэм’ер-міністра.
10 лютага амбасадар Ірана Сеед Абдала Хасейні заявіў на прэс-канферэнцыі, што іранскі бок гатовы ўкласці дадатковыя інвестыцыі ў праект па вытворчасці аўтамабіляў Samand для будаўніцтва цэхаў зваркі і афарбоўкі.
