Беларусь не зможа выканаць план па пастаўцы чатырох мільёнаў тон венесуэльскай нафты на беларускія нафтаперапрацоўчыя заводы ў гэтым годзе. Прычына заключаецца ў тым, што тэхнічныя магчымасці порта Адэсы па прыёме нафты з мора для перавалкі на чыгунку дазваляюць прыняць максімум чатыры танкеры на месяц.
«Калі нічога не рабіць (з чыгуначнай эстакадай), то гэта блізка да мяжы (яе тэхнічнай магчымасці). Калі вельмі пастарацца, то можна пераваліць (на колы) і чатыры танкеры на месяц», — расказалі ў Адэскім порце, перадае Reuters.
Пастаўкі нафты з Венесуэлы маркі «Санта-Барбара» у Беларусь працягнуцца. У ліпені чакаецца прыбыццё ў порт Адэсы яшчэ трох танкераў з венесуэльскай нафтай для Беларусі сукупным аб’ёмам каля 240 тыс. тон (па 80 тыс. тон на танкер).
Такім чынам, да канца гэтага года пры ўліку трох танкераў на месяц (з улікам трох, якія ўжо прыбылі) Беларусь зможа атрымаць толькі 1,68 млн. тон нафты ад запланаваных чатырох мільёнаў. Каля двух мільёнаў тон нафты з Венесуэлы Беларусь да канца года атрымае пры ўмове, што ў Адэскі порт будуць штомесяц прыходзіць чатыры танкеры з 80 тыс. тон нафты.
Як ужо паведамляў Тэлеграф, сёння, 29 чэрвеня, у Адэскі порт прыбыў трэці танкер з венесуэльскай нафтай для Беларусі. Судна пакуль стаіць на рэйдзе, але плануецца, што ўжо сёння яно будзе пададзена да прычалу, дзе пачнецца перапампоўкі нафты ў рэзервуары.
