Беларусь у перспектыве плануе давесці дыверсіфікацыйныя пастаўкі нафты да 10 млн. тон на год. Аб гэтым заявіў 13 кастрычніка намеснік міністра энергетыкі Беларусі Юры Рымашэўскі. "У мэтах дыверсіфікацыі паставак нафты дасягнута дамоўленасць аб павелічэнні штогадовых паставак нафты з 4 млн. тон на 2010 годзе да 10 млн. тон", — адзначыў прадстаўнік мінэнерга.
Па словах Юрыя Рымашэўскага, дамоўленасць аб павелічэнні штогадовых паставак нафты прадугледжана Стратэгіяй развіцця энергетычнага патэнцыялу Беларусі на 2011-2015 гады, перадае БелТА.
У хімічнай і нафтахімічнай прамысловасці Беларусі прадугледжваецца дасягненне да 2015 года глыбіні перапрацоўкі нафты 92%, адзначыў прадстаўнік мінэнерга. Акрамя таго, па словах Юрыя Рымашэўскага, намечана комплекснае засваенне да 2015 года бурых вуглёў, будаўніцтва да 2014 года горнахімічнага камбіната па перапрацоўцы гаручых сланцаў.
«У нафтаздабыўчай прамысловасці будзе забяспечвацца зніжэнне тэмпаў падзення аб’ёмаў здабычы нафты. Да 2015 года ў Беларусі будзе здабывацца не меней 1,6 млн. тон», — сказаў прадстаўнік мінэнерга.
Юры Рымашэўскі таксама назваў паказчыкі аб’ёмаў запампоўкі газу ў падземныя газавыя сховішчы. У 2010 годзе прадугледжана мець у ПСГ мільярд кубічных метраў газу, да 2015 года — 1,5 млрд., да 2020-га — да 4,5 млрд. кубічных метраў. «Гэта адпавядае міжнароднай практыцы энергетычнай бяспекі», — падкрэсліў намеснік міністра. Таксама прадугледжваецца развіццё транзітнага патэнцыялу Беларусі, актыўнае выкарыстанне існых газатранспартных калідораў.
