Беларусь прапануе Катару стварыць Цэнтр перавагі. Адпаведную прапанову агучыў старшыня прэзідыуму Нацыянальнай акадэміі навук Беларусі Міхаіл Мясніковіч на сустрэчы з дарадцам па даследаваннях катарскага фонду адукацыі, навукі і грамадскага развіцця, намеснікам старшыні Парку навукі тэхналогіяў Катара Амэрам аль Саадзі.
«Беларусь імкнецца да ўмацавання сяброўства і супрацоўніцтва з Катарам, у тым ліку навукова-тэхналагічнага», — адзначыў кіраўнік НАН. Па словах Міхаіла Мясніковіча, Акадэмія навук Беларусі прапанавала Катару каля двух дзясяткаў навукова-тэхнічных праектаў для сумеснай рэалізацыі. «Было б добра, калі б катарскі фонд дапамог арганізаваць нам працу па гэтых праектах з катарскімі навуковымі арганізацыямі», — сказаў Міхаіл Мясніковіч, перадае БелТА.
Каардынуючым органам беларуска-катарскага навуковага супрацоўніцтва можа стаць сумесны Цэнтр перавагі. «Мы падрыхтавалі адпаведныя праект і пагадненне аб падобным цэнтры. У НАН Беларусі доследная каманда, якая можа належным чынам арганізаваць такі цэнтр і прасоўваць даследаванні ў галіне вывучэння прыроды, аховы здароўя чалавека і іншых кірунках», — распавёў Міхаіл Мясніковіч.
У сваю чаргу, намеснік старшыні прэзідыуму НАН Беларусі Сяргей Рахманаў адзначыў, што цэнтры перавагі актыўна ствараюцца ў арабскіх краінах для развіцця супрацоўніцтва з буйнымі навуковымі арганізацыямі. «Цэнтр перавагі — гэта арганізацыйная структура, якая дапаможа развіваць супрацоўніцтва, дазволіць нам рыхтаваць і падпісваць кантракты», — растлумачыў Сяргей Рахманаў. Пры гэтым гаворка ідзе не толькі аб партнёрстве па навуковых распрацоўках, але і аб падрыхтоўцы навуковых кадраў. У прыватнасці, НАН Беларусі выказала гатоўнасць ажыццяўляць падрыхтоўку навуковых кадраў для Катара.
«Фармаванне новага цэнтру будзе садзейнічаць падпісанню новых вытворчых кантрактаў, якія дазволяць беларускім навукоўцам прадаваць сваю прадукцыю ў Катар і ў трэція краіны, — лічыць Сяргей Рахманаў. — Сёння Катар фінансуе многія навуковыя праграмы ў арабскім свеце, у Афрыцы, мае рэсурсы для гэтага. Сумесна атрыманыя вынікі могуць выкарыстоўвацца ў трэціх краінах. Гаворка ідзе, у тым ліку, аб прамысловых і аграпрамысловых тэхналогіях».
У сваю чаргу, Амэр аль Саадзі заявіў, што прыярытэтнымі для Катара напрамкамі для навуковага супрацоўніцтва з Беларуссю з’яўляюцца інфармацыйныя тэхналогіі, медыцына, энергетыка. «Мы вывучым асноўныя вобласці і напрамкі дзейнасці Нацыянальнай акадэміі навук Беларусі, пабачым, у чым яна моцная, мае патэнцыял, і зробім высновы аб далейшым супрацоўніцтве», — сказаў ён, не выключыўшы пры гэтым магчымасці стварэння сумеснай вытворчасці.
Куба можа прыняць удзел у стварэнні буйнога біятэхналагічныя комплексу ў Беларусі
Акрамя таго, намеснік старшыні прэзідыуму НАН Беларусі таксама паведаміў, што ў Беларусі ў бліжэйшыя гады плануецца стварыць буйны біятэхналагічныя комплекс. «Гэты праект — адзін з самых маштабных у дзяржпраграме інавацыйнага развіцця на 2011-2015 гады. Стварэнне такога комплексу абыдзецца ў сотні мільярдаў рублёў, канчатковы кошт будзе яшчэ ўдакладняцца», — распавёў Сяргей Рахманаў.
Новую структуру плануецца сфармаваць на базе Нацыянальнай акадэміі навук з прыцягненнем інвестыцыяў па лініі шэрагу банкаў, тэхнічных і фінансавых інвестараў.
Цяпер Беларусь вядзе перамовы з патэнцыйнымі партнёрамі, якія могуць прыняць удзел у праекце. «Плануецца прыцягнуць на ўмовах кааперацыі спецыялістаў з-за мяжы, каб абмяняцца з імі тэхналогіямі і арганізаваць масавую вытворчасць біятэхналагічнай прадукцыі, у тым ліку ў галіне фармацэўтыкі і аграпрамысловага комплексу», — патлумачыў намеснік старшыні НАН. Чакаецца, што гэтая прадукцыя будзе рэалізоўвацца як у Беларусі і яе краінах-партнёрах, так і ў трэціх краінах.
Па словах Сяргея Рахманава, Куба разглядаецца ў якасці аднаго з прыярытэтных партнёраў па праекце. «Беларусь плануе прыцягнуць гэтую краіну ў такі альянс, — заявіў Сяргей Рахманаў. — Гэта дзяржава выбрана для супрацоўніцтва невыпадкова. Тут створана і функцыянуе магутная фарміндустрыя. Сёння Куба экспартуе сваю прадукцыю ў многія краіны. Гэта адзін з найбольш канкурэнтаздольных пастаўшчыкоў на сусветны рынак вакцыны для барацьбы з гепатытам».
У той жа час перамовы па праекце вядуцца і з іншымі краінамі, адзначыў прадстаўнік НАН Беларусі. «Мы зробім усё, каб новы біятэхналагічныя комплекс быў створаны ў вызначаныя тэрміны і максімальна эфектыўна», — сказаў Сяргей Рахманаў.
Пры гэтым намеснік старшыні прэзідыуму НАН Беларусі нагадаў, што біятэхналогіі — адзін з прыярытэтных напрамкаў развіцця навукі і эканомікі Беларусі. Такія тэхналогіі звязаныя з сельскай гаспадаркай, медыцынай і іншымі напрамкамі. З дапамогай біятэхналогіяў навукоўцы разлічваюць перамагчы шматлікія хваробы, якія сёння здаюцца невылечныя, больш эфектыўна вырошчваць сельгаскультуры і г.д. У Беларусі асаблівая ўвага надаецца развіццю інфраструктуры ў галіне біятэхналогіяў. Распрацавана праграма «Інавацыйныя біятэхналогіі», у рамках якой ствараюцца новыя вытворчасці ў гэтай галіне, расказаў Сяргей Рахманаў.
