Намеснік прэм'ер-міністра Беларусі Уладзімір Сямашка 7 красавік паведаміў, што крэдытнае пагадненне з Расіяй па фінансаванні будаўніцтва беларускай АЭС бакі плануюць падпісаць у чэрвені 2011 года. Такія тэрміны прадугледжвае графік работ па будаўніцтве АЭС, падпісаны бакамі ў студзені гэтага года.
Уладзімір Сямашка нагадаў, што 22 сакавіка ў Маскве прайшла сустрэча міністраў фінансаў Беларусі і Расіі, у ходзе якой бакі абмеркавалі крэдытнага пагаднення і дамовіліся аб усіх умовах крэдыту. «Мы чакаем, што ў канцы красавіка мы атрымаем ад мінфіна Расіі праект крэдытнага пагаднення аб выдзяленні дзяржкрэдыту на будаўніцтва беларускай АЭС», — паведаміў Уладзімір Сямашка.
Віцэ-прэм’ер таксама адзначыў, што падпісаныя раней дамовы аб будаўніцтве АЭС і аб паралельнай працы энергасістэм Беларусі і Расіі «адкрываюць дарогу для далейшага руху па ўсім комплексе работ па будаўніцтве АЭС». Уладзімір Сямашка асабліва падкрэсліў, што Расія і Японія высока ацанілі гатоўнасць Беларусі да будаўніцтва АЭС. У цяперашні час завяршаецца падрыхтоўчы этап прац: у раёне Астраўца ствараюць пляцоўку і інфраструктуру будучай АЭС, у пачатку восені плануюць прыступіць да земляных працаў, а ў наступным годзе — пачаць бетонныя працы, перадае БелТА.
Віцэ-прэм’ер таксама адзначыў, што будаўніцтва беларускай АЭС з’яўляецца выгадным праектам як для Беларусі, так і для расійскіх партнёраў. Так, Беларусі АЭС неабходная для дыверсіфікацыі крыніц электраэнергіі, а Расія, удзельнічаючы ў праекце будаўніцтва, атрымлівае працу для некалькіх дзясяткаў сваіх прадпрыемстваў.
Між тым, як раней перадаваў Тэлеграф, некаторыя суседнія з Беларуссю краіны выступаюць супраць будаўніцтва беларускай АЭС. Так, з крытыкай на адрас беларускіх уладаў выступае Літва, якая абвінаваціла Беларусь у незахаванні канвенцый Эспа, МАГАТЭ і іншых міжнародных прававых актаў у сферы ядзернай бяспекі і абароны навакольнага асяроддзя.
У міністэрстве прыродных рэсурсаў і аховы навакольнага асяроддзя Беларусі 4 красавіка заявілі, што Беларусь дала вычарпальныя адказы на ўсе пытанні Літвы па справаздачы аб ацэнцы ўздзеяння на навакольнае асяроддзе будучай астравецкай АЭС. Аднак у гэты ж дзень пасол Беларусі ў Літве Уладзімір Дражын аспрэчыў гэтую заяву, паведаміўшы на сустрэчы з намеснікам міністра замежных спраў Літвы Эвалдасам Ігнатавічусам у Вільні, што Беларусь прызнае, што міжнародны працэс ацэнкі ўздзеяння на навакольнае асяроддзе (АУНА) планаванай ў Беларусі атамнай электрастанцыі яшчэ не скончаны.
