Агульны аб'ём запазычанняў Беларусі пасродкам размяшчэння еўрааблігацый дасягнуў аднаго мільярда даляраў. Як паведаміў 10 жніўня міністр фінансаў Беларусі Андрэй Харкавец, "мы даразмясцілі ўчора 400 млн. даляраў" па стаўцы купона 8,75% гадавых.
«Прыбытковасць (даразмешчаных еўрабондаў — Тэлеграф) да пагашэння складае 8,25%. Пры гэтым сярэдняя стаўка па агульным мільярдзе стала 8,7%», — цытуе частку беларускага мінфіна ПРАЙМ-ТАСС.
Як раней перадаваў Тэлеграф, адсоткі па аблігацыях будуць выплочвацца кожныя паўгода — 3 лютага і 3 жніўня — па стаўцы 8,75% гадавых. Адпаведна, першы адсоткавы плацёж ажыццявяць 3 лютага 2011 года. Пагашэнню аблігацыі падлягаюць 3 жніўня 2015 года.
Аблігацыям прысвоены рэйтынгі аналагічныя суверэнным рэйтынгам Рэспублікі Беларусь — B1 )Moody’s) / B+ (S&P). Еўрааблігацыі прайшлі працэдуру лістынга на Люксембургскай фондавай біржы.
У якасці юрыдычных кансультантаў выпуску з боку Беларусі і банкаў-арганізатараў выступілі адпаведна White & Case і Allen & Overy.
У якасці сумесных арганізатараў па размяшчэнні еўрабондаў выступілі чатыры замежныя банкі: BNP Paribas, Deutsche Bank AG, The Royal Bank of Scotland plc і ААТ «Сбербанк России». ААТ «АСБ Беларусбанк» прыняў удзел у якасці суарганізатара выпуску.
