Беларусь заклікае расчысціць завалы на шляху да больш свабоднага гандлю з Еўрасаюзам. Пра гэта 4 лістапада на XIII Мінскім форуме заявіў дырэктар дэпартаменту знешнеэканамічнай дзейнасці МЗС Валеры Садоха. "Можна было б расчысціць нейкія завалы на шляху больш вольнага руху беларускіх тавараў у Еўрасаюз", — адзначыў ён.
Па ягоных словах, «ёсць шмат праблемных пытанняў, якія тычацца антыдэмпінгавых перашкод для допуску беларускіх тавараў на рынак Еўрасаюза. У прыватнасці, ужо на працягу 18 гадоў ідзе антыдэмпінгавае расследаванне і ўведзены адпаведныя загараджальныя пошліны на ўвоз у ЕС хлорыстага калію, перадае БелТА
«Гэта было тады, калі ў нас знешнегандлёвымі аперацыямі па хлорыстыма каліі займалася вельмі вялікая колькасць кампаній. Сёння ўсё прыведзена ў парадак, наладжана монаструктура, якая займаецца экспартам. Тым не менш, усё засталося на ранейшым узроўні», — паведаміў Валеры Садоха.
Прадстаўнік МЗС таксама расказаў, што існуюць аўтаномныя квоты па тэкстылі, загараджальныя пошліны па карбаміда-аміячных сумесях. Аднак, паводле яго слоў, ёсць і станоўчыя моманты. Так, нядаўна прайшлі перамовы ў міністэрстве сельскай гаспадаркі і харчавання Беларусі, падчас якіх паставілі задачу аказаць садзейнічанне беларускім прадпрыемствам па сертыфікацыі прадукцыі. У выніку гэтага Беларусь ужо можа пастаўляць асобныя тавары на еўрапейскі рынак.
Як распавёў Валеры Садоха, прамінулы крызіс прымусіў беларускія прадпрыемствы па-іншаму зірнуць на пытанні знешняга гандлю. У прыватнасці, Беларусь дамовілася са Швейцарыяй аб сумеснай зборцы тралейбусаў, зборачныя вытворчасці Беларусі дзейнічаюць таксама ў Літве, Латвіі, Польшчы і іншых краінах.
«Усе палітычныя аспекты можа быць і важныя, але для грамадзян Беларусі важны іх узровень жыцця, дабрабыту, сацыяльнай абароны. Беларусь у краінах СНД займае лідзіруючае месца па гэтых пытаннях», — падкрэсліў прадстаўнік МЗС.
