Міністэрства замежных спраў Беларусі 18 студзеня афіцыйна спыніла антыдэмпінгавае расследаванне ў дачыненні імпарту ўкраінскага піва на тэрыторыю Беларусі. Як гаворыцца ў лісце МЗС украінскім піваварным кампаніям, дзяржаўны канцэрн "Белдзяржхарчпрам" адклікаў сваю заяву аб прымяненні антыдэмпінгавых мер.
Як паведамілі ва ўкраінскай піваварнай кампаніі «Оболонь», у ходзе расследавання, ініцыяванага «Белдзяржхарчпрамам» у красавіку 2010 года, міждзяржаўныя камісіі не выявілі ні аднаго факту дэмпінгу.
У цяперашні час перамовы ўкраінскіх піваварных кампаній па нагоды цэнавых умоdfў паставак піва ў Беларусь працягваюцца. Украінскія партнёры настойваюць на роўных умовах гандлю і выступаюць супраць дыскрымінацыйных мер, якія прымаюцца канцэрнам «Белдзяржхарчпрамам».
Як раней перадаваў Тэлеграф, з 1 студзеня 2011 года ў Беларусь спыніліся пастаўкі ўкраінскага піва, бо беларускім імпарцёрам ўкраінскага піва не выдалі ліцэнзіі на 2011 год. Згодна з пастановай Савета міністраў № 1860 ад 21 снежня 2010 года, украінскае соладавае піва да 31 снежня 2012 года будзе ўвозіцца ў Беларусь па разавых ліцэнзіях, якія павінны выдаваць міністэрства гандлю па ўзгадненні з канцэрнам «Белдзяржхарчпрам». Для гэтага ўкраінскія вытворцы піва павінны ўзгадніць з Беларуссю мінімальныя цэны на імпартаванае піва і яго продаж не ніжэйшы за гэтыя кошты. У канцэрне «Белдзяржхарчпрам» паведамілі, што імпарт піва з Украіны адновіцца пасля падпісання цэнавых пагадненняў.
