Беларусь і Украіна адклалі падпісанне пагаднення па транзіце

09.07.2010 15:21
Архив Редакция

Беларусь і Украіна адклалі падпісанне міжурадавага пагаднення аб транспарціроўцы венесуэльскай нафты праз украінскую тэрыторыю на беларускія НПЗ. Пра гэта паведаміла дзявятага ліпеня крыніца ў "Белнафтахіме".

Пра прычыны, па якіх падпісанне дакументу не адбылося, прадстаўнік дзяржаўнага канцэрну не расказаў. «Падпісанне пагаднення адкладзенае», — перадае словы сваёй крыніцы РИА «Новости». Верагодных тэрмінаў падпісання дакументу ўдакладнена не было.

Як раней паведамляў Тэлеграф, Беларусь і Украіна планавалі заключыць дадзенае пагадненне да канца гэтага тыдня. Мяркуецца, што яно дазволіць павялічыць аб’ёмы транспарціроўкі нафты па тэрыторыі Украіны трубаправодным і чыгуначным транспартам.

Пагадненне аб пастаўках венесуэльскай нафты ў Беларусь было падпісана ў сакавіку 2010 года. Паводле дамоўленасцяў агульны аб’ём паставак павінен скласці сёлета каля чатырох мільёнаў тон.

На сёння ўжо тры танкеры прыбыло з Венесуэлы ў Адэскі порт, адкуль нафта ў чыгуначных цыстэрнах перавозіцца для перапрацоўкі на Мазырскі НПЗ.