Кабінет міністраў Украіны ухваліў праект пагаднення паміж урадамі Украіны, Польшчы і Беларусі аб стварэнні трансмежавага біясфернага заказніка "Заходняе Палессе". Украінскі бок стварыў прававыя асновы для развіцця трансмежавага супрацоўніцтва на захадзе Палесся ў сферы аховы навакольнага асяроддзя і ўстойлівага сацыяльна-эканамічнага развіцця, паведамілі ва ўкраінскім урадзе.
Ва ўкраінскім урадзе лічаць, што стварэнне заказніка з міжнародным статусам будзе спрыяць захаванню біялагічнай і ландшафтнай разнастайнасці, перадае «Еўрапейскае радыё для Беларусі».
Рэалізацыя дадзенага праекта дапаможа праводзіць навуковыя даследаванні і развіваць праграмы маніторынгу навакольнага асяроддзя. Асабліва гэта тычыцца сферы водна-балотных угоддзяў, якія адчувальныя да глабальнага пацяплення.