У панядзелак, 11 красавіка, у Маскве ў адпаведнасці з раней дасягнутымі дамоўленасцямі працягнуліся перамовы дэлегацыі Рэспублікі Беларусь з расійскім бокам па пытаннях выдзялення крэдыту ў памеры мільярд даляраў. У ходзе сустрэчы бакі вызначылі мерапрыемствы, якія могуць быць рэалізаваны ў рамках эканамічнай палітыкі Беларусі на сярэднетэрміновую перспектыву.
«Бакі дамовіліся аб правядзенні, пачынаючы з 14 красавіка гэтага года ў мінфіне Расіі кансультацый з удзелам прадстаўнікоў міністэрстваў фінансаў і нацыянальных банкаў бакоў. Абмен меркаваннямі на экспертным узроўні дазволіць паскорыць афармленне канчатковых дамоўленасцяў», — заявілі ў міністэрстве фінансаў Беларусі.
Як раней паведамляў Тэлеграф, расійскі бок у якасці ўмовы выдачы Беларусі крэдыту высунуў правядзенне Мінскам структурных рэформаў у эканоміцы. Акрамя расійскага крэдыту Беларусь дамаўляецца аб крэдыце ў памеры двух мільярдаў даляраў з Антыкрызісным фондам ЕўрАзЭС.
