Для Беларусі асаблівы інтарэс уяўляе становішча краіны ў штогадовым рэйтынгу Сусветнага банка "Вядзенне бізнесу" (Doing Business). Папярэдні аналіз вынікаў праведзенай работы дазваляе выказаць здагадку, што паляпшэнне пазіцыі Беларусі ў справаздачы на 2011 год можа, арыентыровачна, скласці парадку дзесяці пунктаў, паведамілі ў Мінэканомікі.
У апублікаваным у 2010 годзе рэйтынгу Сусветнага банка Беларусь заняла 58 месца з 183 дзяржаў свету. Таксама Беларусь у чарговы раз была прызнана адной з дзесяці краін-лідэраў па колькасці праведзеных рэформаў у сферы рэгулявання прадпрымальніцкай дзейнасці і зробленага імі эфекту. Сярод дзяржаў СНД прыкладна падобную пазіцыю ў справаздачы «Doing Business-2010» займае Казахстан — 63 месца. Расія займае 120 месца, Украіна — 142 пазіцыю.
У апошні час для развіцця спрыяльнага бізнес-асяроддзя ў Беларусі зроблена нямала, адзначаюць у Мінэканомікі. Паслядоўна прымаюцца меры па лібералізацыі ўмоў ажыццяўлення эканамічнай дзейнасці, ліквідацыі залішняга ўмяшальніцтва дзяржаўных органаў у дзейнасць суб’ектаў гаспадарання, скасаванне неабгрунтаваных адміністрацыйных бар’ераў для развіцця бізнесу. Набывае новае значэнне дыялог улады і бізнес-супольнасці па выпрацоўцы рашэнняў у сферы развіцця эканомікі і стымуляванні развіцця прадпрымальніцтва.
Сістэмная работа па ўдасканаленні ў краіне ўмоў ажыццяўлення прадпрымальніцкай дзейнасці і стварэнню спрыяльнага інвестыцыйнага клімату будзе працягвацца і далей, падкрэслілі ў Мінэканомікі.
Як паведамлялася раней, прэзідэнт Беларусі Аляксандр Лукашэнка паставіў задачу ў бліжэйшыя гады ўвайсці ў 30-ку краін з найлепшымі ўмовамі для вядзення бізнесу. У сувязі з гэтым, урад Беларусі пачаў выпрацоўку захадаў для дасягнення гэтай мэты.
Азнаёміцца з планам рэформаў можна на афіцыйным сайце мінэканомікі.
