Беларусь плануе арганізаваць конкурс па выбары партнёра для будаўніцтва спадарожніка сувязі. Пра гэта паведаміў міністр сувязі і інфарматызацыі Беларусі Мікалай Панцялей. Па словах міністра, перамовы з магчымымі інвестарамі па праекце яшчэ працягваюцца, магчыма, будзе аб'яўлены тэндэр, але пра вынікі пакуль казаць рана.
На пытанне аб часе, якое зойме запуск спадарожніка сувязі, Мікалай Панцялей адказаў: «Неабходна мінімум два гады на працэдуры і гады тры — на запуск, то бок чатыры-пяць гадоў для выканання праекта», перадае БелТА.
Досвед стварэння падобных спадарожнікаў у свеце паказвае, што кошт яго даволі высокі, адзначыў кіраўнік Мінсувязі. Самыя дарагія варыянты, па словах міністра, абыходзяцца больш чым у 100 млн. еўра, не лічачы сродкаў, якія будуць затрачаны на яго запуск. Разам з тым, у такіх спадарожніках прысутнічае каля 40 ліній сувязі, з якіх дзяржаве патрэбна толькі частка. Ёсць магчымасць астатнія лініі сувязі здаваць у арэнду.
