Грамадзянін Беларусі Сяргей Кісель пасля бойкі з іншымі кіроўцамі ў Маскве ўвечары 10 сакавіка пратараніў восем аўтамабіляў расійскай паліцыі, спрабуючы сысці ад пагоні. Затрымаць 46-гадовага нецвярозага аўтамабільнага хулігана ўдалося толькі ў выніку прымянення паліцыянтамі табельнай зброі.
Пачатак здарэнню паклала сварка і бойка беларуса з іншымі кіроўцамі на аўтазаправачнай станцыі на Ніжняй Краснасельскай вуліцы, дзе ён сваім аўтамабілем Toyota Camry перакрыў уезд на АЗС іншым машынам, паведамляе NEWSru.com.
У выніку працаўнікі запраўкі выклікалі праваахоўнікаў, якім Сяргей Кісель аказаў супраціў і паспрабаваў з’ехаць з месца здарэння, пратараніўшы пры гэтым аўтамабілі паліцыі. Пры затрыманні правапарушальніка паліцыянты спачатку прастрэлілі колы яго аўто, а затым паранілі беларуса ў нагу і жывот.
Спыніць беларуса ўдалося на найбліжэйшай Камсамольскай плошчы, аднак перад затрыманнем ён пратараніў яшчэ шэсць паліцэйскіх машын, паведамляе «Інтэрфакс». У цяперашні час Сяргей Кісель знаходзіцца ў НДІ хуткай дапамогі імя Скліфасоўскага, паінфармавалі ў Следчым камітэце пры пракуратуры РФ.
Даследчая праверка праводзіцца па факце прымянення паліцыянтамі агнястрэльнай зброі. Устанаўліваюцца усе акалічнасці здарэння, паведаміла 11 сакавіка афіцыйная прадстаўніца сталічнага ўпраўлення СК РФ Вікторыя Цыплянкова.