Беларуская апазіцыя 25 сакавіка адзначае штогадовы Дзень Волi — менавіта ў гэты дзень 92 гады таму ў Мінску была абвешчана незалежнасць Беларускай Народнай Рэспублікі. Афіцыйна гэта дата ў Беларусі не святкуецца, аднак прадстаўнікі апазіцыі памкнуліся арганізаваць святочнае шэсце ад будынка Нацыянальнай акадэміі навук да сквера Янкі Купалы і правесці там мітынг.
Старшыня Партыі БНФ Аляксей Янукевіч заявіў, што «дзеянні арганізатараў акцыі будуць залежаць ад колькасці людзей, якія памкнуліся на шэсце, і іх настрою».»У нас ёсць розныя варыянты развіцця падзей, але адно магу сказаць насамрэч: па прапанаваным гарадскімі ўладамі маршруце да плошчы Бангалор мы людзей не павядзём», — цытуе БелаПАН слова апазіцыйнага палітыка.
Аляксей Янукевіч распавёў таксама, што падчас мітынгу «будзе праводзіцца збор подпісаў пад зваротам да ўлад абвясціць 25 сакавіка і восьмага верасня, дату якую апазіцыя адзначае як дзень беларускай вайсковай славы і абаронцаў Айчыны, дзяржаўнымі святамі».»Пасля сабраныя подпісы мы перадамо ва ўрад», — падкрэсліў лідар Партыі БНФ.
У сваю чаргу, улады Мінска запатрабавалі ад арганізатараў акцыі выканання патрабаванняў па забеспячэнні правапарадку.
«Мы будзем дзейнічаць у рамках закона і жадаем, каб тыя грамадзяне, якія арганізуюць акцыю, кіраваліся тым жа. Мы будзем забяспечваць парадак», — заявіў напярэдадні акцыі намглавы МУС Яўген Полудзень.
Незалежнасць БНР была абвешчана ў ноч з 24 на 25 сакавіка 1918 года ў Мінску. Упершыню ідэя стварэння Беларускай Народнай Рэспублікі прагучала на Ўсебеларускім з’ездзе 1917 года. Шматлікія гісторыкі лічаць, што менавіта перыяд БНР стаў першым этапам дзяржаўнага станаўлення беларускай нацыі.
Як раней паведамляў Тэлеграф, Мінскія ўлады дазволілі дэмакратычным актывістам правесці ў сталіцы 25 сакавіка традыцыйную акцыю Дня Волi і дазволілі правесці збор на пляцоўцы каля прэзідыума НАН, прапанаваўшы правесці мітынг на плошчы Бангалор.
Аднак арганізатары акцыі адразу заўважылі, што на прапанаваны маршрут не пагодзяцца і заявілі, што маршрут акцыі пройдзе ад Акадэміі навук да сквера Янкі Купалы. Арганізатарам акцыі сёлета выступіў «Беларускi незалежнiцкi блок» (БНБ).
