Беларускія камбайнеры прыступілі да ўборкі ўраджаю ў Смаленскай вобласці Расіі. Пра гэта расказаў прэс-сакратар старшыні Магілёўскага аблвыканкама Уладзіслаў Грыбанаў. Беларускія экіпажы прыбылі ў Хіславічы, Рослаў і Шумячы.
«На дапамогу расійскім калегам адпраўлена 19 экіпажаў з Магілёўскай вобласці, у кожным з іх працуюць па два чалавекі. Камандзіроўка разлічана на 10 дзён. Беларускія спецыялісты працуюць на камбайне айчыннай вытворчасці», — цытуе Уладзіслава Грыбанава БелТА.
«Нашы камбайнёры дапамогуць завяршыць уборку ў раёнах Смаленскай вобласці, дзе цяпер працуюць», — адзначыў Уладзіслаў Грыбанаў.
Дапамогу ва ўборцы ўраджаю Магілёўская вобласць аказвае Расіі ўжо другі раз. У 2008 годзе магілёўскія камбайны таксама працавалі на расійскіх палях.