Беларуская нацыянальная авіякампанія "Белавія" пакуль не ўносіла змяненняў у расклад руху самалётаў праз вывяржэнне ісландскага вулкана Грымсвотн. Еўрапейскія рэйсы выконваюцца ў звычайным рэжыме. Пра гэта распавёў намеснік генеральнага дырэктара кампаніі Ігар Чаргінец.
Як раней паведамляў Тэлеграф, еўрапейская арганізацыя па кантролі за паветранай прасторай Еўракантроль паведаміла, што вывяржэнне вулкана Грымсвотн ў Ісландыі не акажа ў панядзелак, 23 траўня, істотнага ўплыву на авіязносіны ў Еўропе.
«Ніякага закрыцця паветранай прасторы сёння і заўтра (у панядзелак і аўторак) не чакаецца, за выключэннем паветранай прасторы і аэрапортаў Ісландыі», — гаворыцца ў паведамленні арганізацыі.
Дым ад вулкана ГрЫмсвотн на паўднёвым усходзе Ісландыі, які пачаў вывяргацца 21 траўня, падняўся на вышыню да 20 кіламетраў. Ісландскія вулканалогіі раней заяўлялі, што вывяржэнне вулкана працягнецца, хутчэй за ўсё, некалькі дзён ці тыдняў і не прывядзе да Усееўрапейскага авіяцыйнага калапсу, як гэта адбылося вясной 2010 года падчас вывяржэння іншага ісландскага вулкана Эйяф’ялаекуль.
Вулканічны попел уяўляе сабой сур’ёзную пагрозу для самалётаў, паколькі яго часцінкі, трапляючы ў рэактыўныя рухавікі, могуць хутка выводзіць іх са строю. Аднак Грымсвотн выкідвае попел, часцінкі якога значна буйнейшыя — яны хутчэй будуць асядаць на зямлю і менш затрымлівацца ў атмасферы.
Па матэрыялах БелТА
