Валавы ўнутраны прадукт Беларусі за студзень 2011 года павялічыўся на 7,4% у параўнанні з аналагічным перыядам мінулага года. Пра гэта паведамілі ў Нацыянальным статыстычным камітэце. У адпаведнасці з прагнозам сацыяльна-эканамічнага развіцця ў 2011 годзе ВУП павінен скласці да ўзроўню 2010 года 109-110%.
Вытворчасць прамысловай прадукцыі ў студзені павялічылася на 6,4% і склала 14,97 трлн. рублёў пры гадавым прагнозе росту 9-9,5%.
Акрамя таго, па дадзеных Белстата, рост інвестыцый склаў за студзень 2011 134,1% і дасягнуў 3,103 трлн. рублёў.
Белстат: больш высокімі тэмпамі раслі кошты на прадукты харчавання
Паводле дадзеных статыстыкі, у студзені гэтага года ў параўнанні са снежнем мінулага года больш высокімі тэмпамі раслі кошты на харчовыя тавары. Індэкс коштаў на харчовыя тавары склаў 102,1%, у тым ліку па алеі — 102,4%, крупах прасяных — 104,4%, плодагародніннай прадукцыі — 104,9%, гарэлцы — 105%, цукры — 110%. Тытунёвыя вырабы падаражэлі на 5,2%.
Цэны на нехарчовыя тавары раслі больш нізкімі тэмпамі, чым на харчовыя. Індэкс коштаў на нехарчовыя тавары ў студзені 2011 года ў параўнанні са снежнем 2010 года склаў 100,3%. У большай ступені падаражэлі мэбля (101%), тэлевізары (101,4%), друкаваныя выданні (101,7%), распавялі ў Белстаце.
Рост цэнаў і тарыфаў на платныя паслугі насельніцтву ў студзені гэтага года ў параўнанні са снежнем 2010 года склаў 101,4%. Вышэй за сярэдні ўзровень выраслі цэны і тарыфы на турыстычныя паслугі (102%), паслугі пасажырскага транспарту (102,2%), санаторна-аздараўленчыя (105,1%), вышэйшай адукацыі (113,2%).
Акрамя таго, па ацэнцы Нацыянальнага статыстычнага камітэту індэкс спажывецкіх цэн на тавары і платныя паслугі насельніцтву за перыяд з 1 па 8 лютага 2011 года склаў 100,4%, з пачатку месяца да сярэдніх цэнах студзеня 2011 — 100,6%.
Найбольшы прырост цэн з пачатку месяца адзначаны на бульбу (4,4%), крупы (2,6%), малако і малочныя прадукты (1,9%), гародніну (1,7%), масла, мяса і мясапрадукты ( 1,4%), мэбля (1,3%), паслугі вышэйшай адукацыі (3,1%).
Як раней перадаваў Тэлеграф, з 11 студзеня ў Беларусі падаражэлі моцныя алкагольныя напоі, з 15 студзеня павысіліся кошты на прадукцыю тытунёвай фабрыкі «Нёман», з 26 студзеня міністэрства эканомікі Беларусі падвысіла гранічныя адпускныя цэны на ялавічыну тушамі да 3% у месяц, свініну тушамі, малако, кефір, смятану, тварог — да 2% на месяц. З 12 лютага другі раз менш чым за месяц на 10% падняліся раздробныя кошты на цукар-пясок.
Акрамя таго, згодна з яшчэ дзвюма пастановамі міністэрства эканомікі, са студзеня ў Беларусі будуць хутчэй даражэць сацыяльна значныя тавары, да якіх належаць малако, кефір, смятана, тварог, мяса, хлеб і хлебабулачныя вырабы, і былі адпушчаныя цэны на імпарт і гуртовыя надбаўкі.