Індэкс спажывецкіх цэн на тавары і паслугі насельніцтву з 15 па 22 сакавіка быў роўны 100,3%, індэкс коштаў да сярэдніх коштаў лютага па стане на 22 сакавіка склаў 101,2%. Такія дадзеныя прыводзіць Нацыянальны статыстычны камітэт Беларусі. Больш за ўсё з пачатку сакавіка падаражэлі прасяныя крупы і бензін — на 15,9% і 11,8% адпаведна.
Кошт белакачаннай капусты за першыя тры тыдні сакавіка вырас на 11%, бульбы і буракоў — на 6,8%, цыбулі рэпчатай — на 6,3%, морквы — на 5,7%, грэчневых крупаў — на 4,1%. Кошт маянэзу падняўся на 3,9%, яблыкаў — на 3,7% (садавіны ў цэлым — на 3%), піва і маргарыну — на 3,3%, крупаў — на 3,2%, бытавых паслуг — 3,1 %.
Безалкагольныя напоі падаражэлі на 2,5%, тканіны — на 2,4%, кандытарскія вырабы і гарбата — на 2,2%, салёная селядзец — на 1,9%. Масла, плаўлены сыр, паўвэнджаныя каўбасы, паўфабрыкаты з мяса птушкі сталі даражэйшымі на 1,7%, вараная каўбаса першага гатунку, алей і паслугі пасажырскага транспарту — на 1,4%, ялавічына і тварог — на 1,1%, малако і смятана — на 1%.
Свініна, курыныя яйкі, марожаная рыба (трэскавых, скумбрыевыя), пшанічная мука, хлеб, адзенне, медыкаменты і навучанне ў ВНУ падаражэлі менш чым на 1%.
Цэны на электра-і водазабеспячэнне, каналізацыю, сеткавы газ, ацяпленне, пасажырскія ўнутрыгарадскія аўтобусныя і чыгуначныя перавозкі не змяніліся, а абутак стаў каштаваць танней на 0,01 адсотка.
Гэтая інфармацыя атрымана на аснове штотыднёвай рэгістрацыі цэн 155 відаў тавараў і паслуг у 31 горадзе Беларусі.
Як ужо паведамляў Тэлеграф, за першыя два месяцы 2011 года інфляцыя ў Беларусі склала 4,2% пры гадавым прагнозе 7,5-8,5%, а за 1-9 сакавіка — 0,5%.
