Партыя "Беларуская хрысціянская дэмакратыя" (БХД) увечары 4 красавіка падала ў Мінскі гарадскі выканаўчы камітэт заяўку на правядзенне 26 красавіка традыцыйнага "Чарнобыльскага шляху". Пра гэта распавёў адказны сакратар аргкамітэту па стварэнні партыі Дзяніс Садоўскі.
Па словах Дзяніса Садоўскага, 1 красавіка адбылося пасяджэнне аргкамітэту па правядзенні «Чарнобыльскага шляху», дзе быў выпрацаваны «канчатковы фармат правядзення акцыі». «Ён традыцыйны: збор на пляцоўцы каля будынка прэзідыума Акадэміі навук у 17:45, у 18:30 — пачатак шэсця ў бок Чарнобыльскай капліцы ў парк Дружбы народаў, па заканчэнні шэсця — невялікі мітынг», — цытуе прадстаўніка БХД БелаПАН.
Акрамя таго, акрамя Дзяніса Садоўскага заяўку на правядзенне акцыі падпісалі кіраўнік аргкамітэту па правядзенні «Чарнобыльскага шляху» Юры Хадыка і адзін з лідараў прадпрымальніцкага руху Мікалай Пахабаў.
Пры гэтым Дзяніс Садоўскі адзначыў, што заяўнікі акцыі гатовыя ўзгадняць парадак правядзення шэсця і мітынгу з Мінгарвыканкамам. «Калі колькасць удзельнікаў шэсця будзе меншая за пяць тысяч чалавек, мы павядзем калону дэманстрантаў па пешаходных зонах», — сказаў ён.