Сакратар Цэнтральнай выбарчай камісіі Беларусі Мікалай Лазавік лічыць несур'ёзнай скаргу лідара грамадзянскай кампаніі "Гавары праўду!" Уладзіміра Някляева на ініцыятыўную групу дзеючага прэзідэнта Беларусі Аляксандра Лукашэнкі. "Сур'ёзных скаргаў у Цэнтрвыбаркаме зараз няма", — заявіў Мікалай Лазавік.
«Тое, што анансавалася Уладзімірам Някляевым як сур’ёзныя парушэнні, можна назваць так: у чужых вачах парушынкі заўважае, а ў сваім бервяна не бачыць», — цытуе сакратара ЦВК БелаПАН.
Як раней перадаваў Тэлеграф, Уладзімір Някляеў падаў у ЦВК скаргу з нагоды парушэння выбарчага заканадаўства ініцыятыўнай групай прэзідэнта Беларусі. Акрамя пісьмовай скаргі, Уладзімір Някляеў накіраваў у ЦВК дыскі з відэа, на якіх зафіксаваныя парушэнні ініцыятыўнай групы.
Уладзімір Някляеў указаў на тое, што збор подпісаў у падтрымку беларускага лідара ажыццяўлялі таксама людзі, якія не ўваходзяць у ініцыятыўную групу Аляксандра Лукашэнкі. Акрамя таго, па словах Уладзіміра Някляева, ініцыятыўная група прэзідэнта Беларусі часам ажыццяўляла збор подпісаў там, дзе гэта забаронена заканадаўствам.