За ліпень знешні дзярждоўг Беларусі скараціўся на 2,2%, склаўшы на 1 жніўня 2010 года 25,2 трлн. рублёў (8,4 млрд. даляраў) пры гадавым ліміце 11 млрд. даляраў, унутраны — на 1,2% да 8,4 трлн. рублёў (2,8 млрд. даляраў). Такім чынам, сукупны доўг Беларусі за ліпень скараціўся на 1,4% да 33,6 трлн. рублёў (11,2 млрд. даляраў). Пра гэта паведамілі ў мінфіне Беларусі.
Пры гэтым, сума даўгоў па крэдытах і пазыках прадпрыемстваў і банкаў, прыцягнутых пад гарантыі ўрада таксама вырасла на 16,9% склаўшы 511,9 млрд. рублёў (170,6 млн. даляраў).
Акрамя таго, як раней паведамляў Тэлеграф, у жніўні агульны аб’ём пазычанняў Беларусі пасродкам размяшчэння еўрааблігацый дасягнуў аднаго мільярда даляраў. Прыбытковасць да іх пагашэння склала 8,251%, што дазволіла Рэспубліцы Беларусь знізіць сярэднеўзважаную прыбытковасць да пагашэння пяцігадовай пазыкі агульнай сумай 1 млрд. даляраў да 8,7%.
Такім чынам, знешні доўг Беларусі можа вырасці за жнівень яшчэ на 12% і скласці на 1 верасня 28,2 млрд. рублёў (9,4 млрд. даляраў).
