Каля 04:40 у нядзелю, 15 траўня, Дом правасуддзя па вуліцы Сямашка ў Мінску, дзе праходзяць суды па справе аб масавых беспарадках 19 снежня, паспрабавалі падпаліць невядомыя, кінуўшы ў будынак так званы "кактэйль Молатава". Па дадзеным факце праваахоўныя органы ўзбудзілі крымінальную справу па ч. 2 арт. 339 Крымінальнага кодэксу Беларусі ("Хуліганства").
Супрацоўнікі аддзела дэпартаменту аховы Маскоўскага раёна і следча-аператыўнай групай Маскоўскага РУУС Мінску на месцы здарэння з тарца будынка выявілі бутэльку ёмістасцю 0,7 літра з кнотам і гаручай вадкасцю (меркавана сумесь бензіну і алею), а таксама фрагменты трох пабітых бутэлек. Агнём пашкоджаны дзверы службовага ўваходу, на сцяне засталіся сляды задымлення. Канфіскаваныя доказы ў цяперашні час накіравалі на экспертызу, паведамілі ў ГУУС Мінгарвыканкама.
Праваахоўныя органы ўжо апыталі шасцярых чалавек па дадзенай справе. Праводзіцца далейшы комплекс аператыўных і следчых мерапрыемстваў.
