Міністр транспарту і сувязі Украіны Канстанцін Яфіменка паведаміў другога чэрвеня, што венесуэльская нафта пакуль па-ранейшаму будзе пастаўляцца ў Беларусь праз Адэскі порт і далей па чыгунцы. Па словах кіраўніка ўкраінскага мінтранса, другая партыя нафты з Венесуэлы ў аб'ёме 40 тыс. тон павінна прыйсці ва Украіну на трох танкерах да 16 чэрвеня.
Як адзначыў міністр, аб’ёмы паставак венесуэльскай нафты ў Беларусь праз Адэскі порт трэба пастаянна карэктаваць. «Таму што беларускі бок задакляраваў чатыры мільёны тон да канца года і план на 2011 год — дзесяць мільёнаў тон», — цытуе Канстанціна Яфіменка «Еўрапейскае радыё для Беларусі».
«Таму аб’ёмы, пакуль яны не выйдуць на рытмічныя пастаўкі, будуць пастаянна ўзгадняцца. Але ў нас калідор поўнасцю адладжаны, і беларусы нават падзякавалі чыгунцы, таму што першы танкер быў дастаткова аператыўна перапраўленыя ў Мазыр, першыя 80 тыс. тон», — распавёў украінскі міністр.
Як раней перадаваў Тэлеграф, Мазырскі нафтаперапрацоўчы завод плануе кожны месяц перапрацоўваць каля 250 тыс. тон венесуэльскай нафты. Пра гэта паведаміў прадстаўнік адміністрацыі прадпрыемства. «У адпаведнасці з папярэднімі планамі мяркуецца, што да канца гэтага года на Мазырскі НПЗ будзе паступаць 240-250 тыс. тон нафты з Венесуэлы», — сказаў прадстаўнік завода.
