Супрацоўнікі следчага аддзелу пракуратуры Мінску распачалі крымінальную справу па ч. 2 арт. 166 Крымінальнага кодэксу Беларусі ("Згвалтаванне, здзейсненае групай асоб") у дачыненні да двух мясцовых жыхароў. Па дадзеных следства, мужчыны, знаходзячыся ў стане алкагольнага ап'янення, згвалцілі 22-гадовую працаўніцу аднаго з буйных прадпрыемстваў у Кастрычніцкім раёне Мінску.
Як паведамілі пракуратуры Кастрычніцкага раёна, злачынства мужчыны здзейснілі 4 траўня ў інтэрнаце прадпрыемства. Двое п’яных яго насельнікаў, працаўнікі прадпрыемства, 1984 і 1985 гадоў нараджэння, раней судзімыя, зацягнулі суседку да сябе ў пакой і згвалцілі, перадае БелаПАН.
Міліцыю выклікалі іншыя жыхары інтэрната, якія адрэагавалі на шум, але ўжо вельмі позна.
За ўчыненае злачынства зламыснікам пагражае пазбаўленне волі на тэрмін ад пяці да трынаццаці гадоў.