Вечарам 11 кастрычніка вучаніца 9 класа адной з мінскіх школ выкінулася з агульнага балкона на 19-м паверсе жылога дома па вуліцы Матусевіча. Супрацоўнікі міліцыі высветлілі, што ў гэтым доме дзяўчынка не жыла. Пра гэта паведаміў старшы памочнік пракурора Мінску па прававым забеспячэнні, інфармацыі і грамадскіх сувязях Сяргей Балашоў.
Прычыны і абставіны самагубства 15-гадовай школьніцы яшчэ належыць высвятліць следству, перадае БелаПАН.
Сяргей Балашоў таксама паведаміў, што ў той жа дзень (11 кастрычніка) па вуліцы Герасіменкі ў Мінску было здзейснена яшчэ адно самагубства. 23-гадовы мінчук павесіўся на балконе сваёй кватэры. Прычым у гэты час у кватэры знаходзіліся яго маці і сястра. Матывы самагубства цяпер высвятляюць следчыя.
Як раней перадаваў Тэлеграф, у Мінску штогод добраахвотна сыходзяць з жыцця каля 200 чалавек. Такую статыстыку прывёў намеснік галоўнага лекара па гранічнай псіхатэрапіі Гарадскога псіханеўралагічнага дыспансера Мінску, галоўны пазаштатны псіхатэрапеўт камітэту па ахове здароўя Мінгарвыканкама Сяргей Давідоўскі.