Адзін з лідараў грамадзянскай кампаніі «Гавары праўду!» Андрэй Дзмітрыеў 28 снежня на прэс-канферэнцыі, прымеркаванай да гадавіны дзейнасці ГП, падтрымаў экс-кандыдата ў прэзідэнты Алеся Міхалевіча, які заявіў пра катаванні ў СІЗА КДБ. У той жа час, ён адмовіўся выступіць з падобнай заявай, заявіўшы, што ад гэтага могуць пацярпець іншыя людзі, у тым ліку кіраўнік «Гавары праўду!» Уладзімір Някляеў.
«Рашэнне Міхалевіча адважнае, але я не лічу сябе свабодным чалавекам. Таксама ёсць сігналы, што Някляева могуць вярнуць назад. Мае падобныя заявы могуць нашкодзіць зняволеным. Спадзяюся, што заявы Алеся падштурхне ўлады не помсціць, а даць магчымасць не мець такіх фактаў для абвяшчэння», — адзначыў палітык, перадае карэспандэнт Тэлеграфа.
Аналагічным чынам выказаўся і яшчэ адзін актывіст «Гавары праўду!» Сяргей Вазняк, прабыў у СІЗА КДБ каля 1,5 месяцаў. Ён таксама паведаміў аб фактах псіхалагічнага ціску, які аказвалі на яго ў турме, адзначыўшы пры гэтым, што яго не білі.
«Гавары праўду!» абвясціла пра пачатак шэрагу кампаній
Як заявіў намеснік кіраўніка «Гавары праўды!» Андрэй Дзмітрыеў, «з моманту трагедыі 19 снежня кампанія не спыняла сваю дзейнасць». «Мы не маглі дзейнічаць з ранейшым размахам, але мы дзейнічалі. Мы праводзілі збор сродкаў для зняволеных, арганізоўвалі акцыі салідарнасці», — адзначыў палітык.
Таксама Андрэй Дзмітрыеў абвясціў пра пачатак шэрагу кампаній, закліканых інфармаваць грамадства аб тым, што адбываецца ў краіне. У прыватнасці, у раках кампаніі «Народная салідарнасць» плануецца падаць у розных гарадах Беларусі заяўкі на пікеты салідарнасці 19 і 25 сакавіка. «Мы хочам, каб людзі па ўсёй краіне выйшлі з плакатамі і нагадалі, што ў Беларусі ёсць праблема палітычных зняволеных, што мы не жывем як нармальная еўрапейская краіна», — падкрэсліў намеснік кіраўніка ГП.
Акрамя таго, «Гавары праўду!» Плануе правесці кампанію «Ад дзвярэй да дзвярэй», мэтай якой з’яўляецца абыход усіх, хто ставіў подпісы ў падтрымку кампаніі ці яе лідара Уладзіміра Някляева. Таксама актывісты ГП маюць намер працягнуць кампанію па перайменаванні адной з вуліц Мінску ў вуліцу імя Васіля Быкава, падымаць пытанні, звязаныя з ростам цэн і беспрацоўя.
«Рэпрэсіі могуць скончыцца толькі з дапамогай грамадскага ціску знутры. Мы павінны супрацьстаяць патоку хлусні. Мы прапануем накіраваць спецыяльныя звароты ў адміністрацыю прэзідэнта з патрабаваннямі вызваліць палітычных зняволеных, зрабіць суды адкрытымі, спыніць рэпрэсіі», — паведаміў Андрэй Дзмітрыеў, паклікаўшы іншыя арганізацыі далучыцца да ініцыятывы «Гавары праўду!».
Актывісты ГП маюць намер таксама не даць сусветнай супольнасці забыцца пра тое, што адбываецца ў Беларусі, нягледзячы на тое, што ў цяперашні час сусветныя СМІ надаюць больш увагі падзеям у арабскіх краінах.
