Еўрасаюз разглядае пытанне аб увядзенні больш жорсткіх санкцый супраць беларускіх чыноўнікаў. Аднак дзве дзяржавы-члена ЕС лічаць, што абмежаванні не павінны закрануць правядзення ў Беларусі чэмпіянату свету па хакеі ў 2014 годзе, паколькі "палітыку не варта замінаць са спортам". Пра гэта заявілі Латвія і Фінляндыя.
Так, Еўрапейскі парламент спрабуе паўплываць на Міжнародную федэрацыю хакею, каб тая адмовілася ад правядзення Кубка свету 2014 года ў Мінску. Гэта прапанова набірае падтрымку, піша EUObserver.
Так, яе падтрымліваюць міністэрствы замежных спраў Літвы і Швейцарыі. «Пытанне аб магчымай адмене правядзення чэмпіянату па хакеі знаходзіцца на разглядзе», — паведаміў прадстаўнік швейцарскага ведамства Георг Фараго.
Як піша выданне, такі крок можа паслужыць ударам у слабое месца Аляксандра Лукашэнкі. «Прэзідэнт любіць хакей і выкарыстоўвае спорт для прапаганды. Блізкія сябры Лукашэнкі кіруюць большасцю спартыўных аб’яднанняў краіны і бяруць удзел у шматмільённых праектах па будаўніцтве новых дарог, новых стадыёнаў і новых шыкоўных гатэляў для правядзення гульняў», — піша аўтар артыкулу.
«Спорт, палітыка і бізнэс цесна звязаныя. Калі хакейная каманда прайграе на міжнародных спаборніцтвах, спартсменаў караюць — іх грошы забіраюць — таму што гэта дрэнна для іміджу краіны», — паведаміў еўрапейскі дыпламат, які працуе ў Мінску.
Аднак для рэалізацыі праекту Еўрапарламенту ў любым выпадку спатрэбіцца шмат намаганняў і часу.
У сваю чаргу прадстаўнік Міжнароднай федэрацыі хакея Шымон Шэмберг распавёў, што падчас кангрэса ў Браціславе, які прайшоў на гэтым тыдні, ні адна з 69 дэлегацый розных краін не згадала пра ідэю парламенту ЕС. Акрамя таго, дадаў ён, трэція бакі, такія, як інстытуты ЕС або швейцарскі ўрад, не могуць прымусіць федэрацыю змяніць свае планы.
Тым часам, міністры замежных спраў ЕС павінны ў панядзелак, 23 траўня, на сустрэчы ў Брусэлі дададуць новыя імёны ў існуючы спіс з 175 беларускіх чыноўнікаў, супраць якіх дзейнічаюць санкцыі. Пра гэта паведаміў высокапастаўлены еўрапейскі дыпламат.
Крыніца ў ЕС: новыя візавыя санкцыі паставяць Беларусь у адзін шэраг з Зімбабвэ
У асноўным спіс папоўніцца імёнамі суддзяў і пракурораў, якія ўдзельнічабць у працэсах супраць актывістаў апазіцыі і садзяць іх у турмы. Гэта паставіць Беларусь на адзін узровень з Зімбабвэ па ліку персон нон-грата (у «чорныя спісы» ЕС ўваходзіць 197 зімбабвійскіх чыноўнікаў).
Акрамя таго, міністры замежных спраў краін ЕС правядуць «пачатковыя перамовы» аб мэтавых эканамічных санкцыях супраць дзяржаўных прадпрыемстваў Беларусі. Аднак, як адзначыў дыпламат, перш чым міністры дасягнуты дамоўленасці, на якія менавіта фірмы накласці санкцыі, можа прайсці некалькі месяцаў.
Паводле інфармацыі EUobserver, пад асабліва пільнай увагай Еўрасаюза знаходзяцца такія беларускія прадпрыемствы, як «Белшына», «БелАЗ», «Беларуськалі», «Белнафтахім», «Белтэхэкспарт» і «Трайпл».
Акрамя таго, лічыць аўтар артыкула, прапанова Расіі выдаць беларускім уладам крэдыт у памеры трох мільярдаў даляраў можа аслабіць эфект любых эканамічных абмежаванняў, якія ўводзяцца ЕС.
Як ужо перадаваў Тэлеграф, раней прэс-сакратарка вярхоўнага прадстаўніка ЕС па знешняй палітыцы Кэтрын Эштан заявіла, што ўвядзенне эканамічных санкцыяў у дачыненні да беларускіх уладаў у Брусэлі пакуль не будзе разглядацца. Аднак кіраўнік польскага МЗС Радаслаў Сікорскі паведаміў, што Польшча рыхтуе санкцыі супраць фірмаў, якія фінансуюць вертыкаль улады Аляксандра Лукашэнкі.
