У панядзелак, 20 чэрвеня, на чарговай сэсіі Рады ЕС разгледзіць рашэнне аб забароне тром беларускім кампаніям, якія належаць беларускаму бізнэсоўцу Уладзіміру Пефціеву — "асабістаму банкіру" прэзідэнта Беларусі Аляксандра Лукашэнкі, весці бізнэс у ЕС. "Гэты крок плануецца зрабіць, каб пакараць беларускага лідара за арышты актывістаў апазіцыі і журналістаў, не наносячы шкоды эканоміцы краіны", — заявілі ў Радзе ЕС.
Гаворка ідзе аб такіх арганізацыях, як вытворца зброі «Белтэхэкспарт», нацыянальны правайдар тэлекамунікацый «Белтэлекам», а таксама гульнёвыя кампаніі «Спорт-Заклад» і «Суперлато». Усе яны цесна звязаны з Уладзімірам Пефціевым, вядомым беларускім бізнэсмэнам і эканамічным дарадцам прэзідэнта. Адзін еўрапейскі дыпламат назваў яго «прыватным банкірам» Аляксандра Лукашэнкі, які выкарыстоўвае бізнэс для «адмывання грошай».
У афіцыйныя абавязкі Уладзіміра Пефціева ўваходзіць старшынства ў «Белтэхэкспарт» і Беларускай тэніснай асацыяцыі, піша EUobserver. Акрамя таго, ёсць інфармацыя аб тым, што Пефціеў валодае акцыямі аўстрыйскага мабільнага аператара Velcom, аўстрыйскага «Прыёрбанка» і «Белзнешэканомбанка». Паводле інфармацыі амерыканскага часопіса Forbes, у 2010 годзе Пефціеў з’яўляўся другім з самых багатых людзей у Беларусі, яго маёмасць ацэньваецца ў мільярд даляраў. Самым жа багатым беларусам з’яўляецца Аляксандр Лукашэнка.
ЕС: Беларусі не варта выдаваць крэдыты без вызвалення Пачобута
Чакаецца, што на сустрэчы ў Люксембургу кіраўніка МЗС ЕС таксама зробяць афіцыйную заяву, у якім прызавуць Мінск вызваліць рэпарцёра польскай Gazety Wyborczej Андрэя Пачобута. Так, піша аўтар артыкула, еўрапейскія міністры папярэдзяць беларускае кіраўніцтва, што без выканання гэтай умовы краіне «не варта чакаць новых крэдытаў». Акрамя таго, «Белнафтахім» і «Беларуськалі» могуць апынуцца наступнымі кампаніямі, супраць якіх ЕС увядзе санкцыі.
Пасля нядаўняга наведвання Беларусі прадстаўнікі Міжнароднага валютнага фонду заявілі, што «сур’ёзны крызіс» у краіне звязаны з дэфіцытам дзяржбюджэту. «Мінск у траўні папрасіў МВФ аб крэдыце, пры гэтым некаторыя дэпутаты Еўрапарламенту і вышэйшыя службовыя асобы ЕС заявілі, што грошы павінны быць выдадзены толькі ў выпадку вызвалення палітвязняў», — піша аўтар артыкула.
Разам з тым, зазначае ён, краіны ЕС не хочуць аказаць ціск фонд. «МВФ звычайна не ставіць палітычных умоваў, і я не хачу спрабаваць ўмешвацца ў прыняцце рашэнняў у дадзеным выпадку», — заявіў міністр замежных спраў Венгрыі Янаш Мартоні. На дадзены момант Венгрыя старшынюе ў ЕС.
Акрамя таго, супраць увядзення санкцый выступаюць Італія і Латвія, якія маюць у Беларусі бізнэс-сувязі.
Аналітык: санкцыі супраць Пефціева не закрануць Лукашэнку
Старэйшы аналітык Беларускага інстытута стратэгічных даследаванняў Дзяніс Мельянцоў лічыць, што новыя санкцыі ЕС не закрануць інтарэсаў Аляксандра Лукашэнкі.
«Для яго вельмі проста атрымаць грошы ад любога іншага беларускага прадпрыемства, дзяржаўнага або прыватнага. У Беларусі ёсць два афіцыйныя дзяржаўныя бюджэты — звычайны і фонд прэзідэнта. Як фармуецца апошні, ніхто не ведае. Гэтыя санкцыі ў выніку закрануць простых людзей», — лічыць ён.
