Эканамічны суд (ЭС) СНД прыпыніў разгляд іску Беларусі да Расіі аб правамоцнасці спагнання экспартных пошлінаў на пастаўляныя ў Беларусь нафтапрадукты да 19 студзеня 2011 года. Перад тым, як аб'явіць перапынак, ЭС задаволіў два з заяўленыя 7 кастрычніка хадайніцтвы — па адным для кожнага з бакоў.
ЭС выканаў пажаданне Беларусі і парэкамендаваў у рамках выпрацоўкі пагаджальных працэдураў па нафтавым іску разгледзець пытанне аб часовай адмене экспартных пошлінаў на нафтапрадукты, што пастаўляюцца з Расіі ў Беларусь.
Разам з тым, суд выканаў і просьбу расійскага боку аб прадстаўленні адтэрміноўкі для выпрацоўкі пагаджальных працэдураў тэрмінам на тры месяцы, перадае АФН.
Акрамя таго, ЭС не задаволіў хадайніцтва Расіі аб увядзенні ў працэс новай групы юрыстаў.