Еўрапейская камісія прыняла рашэнне выдзеліць Беларусі фінансавую дапамогу ў памеры 10 млн. еўра на развіццё эфектыўнасці энергетычнага сектару. Пра гэта паведамілі ў прадстаўніцтве Еўрапейскага саюза ў Мінску. Сродкі будуць накіраваны на падтрымку энергазберагальных тэхналогій у сектарах спажывецкіх тавараў і прамысловай прадукцыі Беларусі.
Сродкі таксама пойдуць на ўдасканаленне адпаведных лабараторый і праграмаў стандартызацыі ў сферы энергетычнай эфектыўнасці, перадае БелТА.
Акрамя таго, праграма прадугледжвае правядзенне серыі пілотных праектаў, а таксама інфармацыйных кампаній у рэгіёнах, мэтай якіх стане павышэнне дасведчанасці насельніцтва аб асноўных праблемах энергетычнага сектару.
Фінансаванне ажыццяўляецца ў рамках Еўрапейскага інструменту суседства і партнёрства. Акрамя Беларусі, гэтая праграма аб’ядноўвае яшчэ 16 краін — партнёраў ЕС, якія мяжуюць з ЕС на ўсходзе і поўдні.
