Начальніку ўпраўлення расследавання злачынстваў дэпартамента фінансавых расследаванняў Камітэта дзяржкантролю падпалкоўніку Дзмітрыю Адамовічу прад'явілі афіцыйнае абвінавачанне па частцы 3 артыкула 430 КК Беларусі (атрыманне хабару асобай, якая займае адказнае становішча).
Тым не менш, як паведамляе «Ежедневник«, следства дзяржбяспекі зайшло ў тупік. Дзмітрый Адамовіч не прызнаў сваёй віны пасля арышту. Разам з тым у КДБ супраць яго ёсць толькі паказаньні пасрэдніка, якога ўзялі за руку пры перадачы буйнога хабару.
Пасрэднік паведаміў, што грошы ён нібыта павінен быў перадаць Дзмітрыю Адамовічу, які ў сваю чаргу павінен быў падзяліцца яшчэ з кімсьці. Кіруючыся гэтымі дадзенымі, КДБ прыняў рашэнне аб затрыманні дзейнага кіраўніка следчага апарату ДФР КДК.
Як раней паведамляў Тэлеграф, пасля арышту Дзмітрыя Адамовіча ў рамках аперацыі КДБ быў адхілены ад займанай пасады і саветнік старшыні камітэта Віктар Пісарык. Яму ставіцца ў віну прызначэнне на пасаду намесніка дырэктара ДФР КДК Віктара Марозава, які пад выглядам прафілактыкі карупцыі фактычна замкнуў на сабе і следства, і кантроль над ім у ДФР КДК.
