"Газпром" падпісаў пагадненне па павышэнні ставак транзіту

02.07.2010 11:18
Архив Редакция

Беларускі аператар газаправодаў "Белтрансгаз" і расійскі газавы манапаліст "Газпром" падпісалі дадатковае пагадненне да кантракту па транзіце газу, у адпаведнасці з якім плата за перапампоўку па тэрыторыі Беларусі тысячы кубаметраў газу на 100 кіламетраў складзе 1,88 даляраў.

Як расказаў генеральны дырэктар «Белтрансгаза» Уладзімір Маёраў, такая стаўка транзіту будзе дзейнічаць у 2010 годзе, перадае БелТА. «Цяпер бакі праводзяць канчатковую зверку разлікаў», — распавёў кіраўнік беларускай кампаніі.