"Газпром" ужо паставіў у Беларусь больш 5,7 млрд. кубаметраў газу

25.03.2011 09:59
Архив Редакция

З пачатку 2011 года расійскі холдынг "Газпром" ажыццявіў пастаўку больш як 5,7 млрд. кубаметраў прыроднага газу ў Беларусь. Пра гэта паведамілі ў расійскай кампаніі пасля працоўнай сустрэчы старшыні праўлення "Газпрома" Аляксея Мілера і першага намесніка прэм'ер-міністра Беларусі Уладзіміра Сямашкі, якая адбылася 24 сакавіка.

Як растлумачылі ў кампаніі, у ходзе сустрэчы бакі абмеркавалі асноўныя пытанні двухбаковага супрацоўніцтва, у тым ліку пытанні паставак і транзіту газу.

Згодна з існымі дамоўленасцямі, у 2011 годзе плануецца, што «Газпром» паставіць у Беларусь 22,5 млрд. кубаметраў газу. У апошнія гады назіраецца павелічэнне аб’ёму паставак газу ў Беларусь «Газпромам». Так, у 2010 годзе Беларусь закупіла ў расійскага холдынгу 21,57 млрд. кубаметраў газу, у 2009 годзе — 17,6 млрд. кубаметраў.

Між тым, як раней перадаваў Тэлеграф, першы віцэ-прэм’ер Уладзімір Сямашка 16 лютага заявіў, што Беларусь зацікаўлена ў набыцці газу ў альтэрнатыўных пастаўшчыкоў. Паколькі ў газавым пагадненні з «Газпромам» ад 9 снежня 2010 года запісана норма аб вольным доступе да газатранспартных магутнасцяў, беларускія ўлады, па словах Уладзіміра Сямашкі, разлічваюць на тое, што гэта дасць магчымасць Беларусі дыверсіфікаваць пастаўкі газу.