Генеральная пракуратура Беларусі накіравала падначаленым пракурорам ўказанне аб узмацненні нагляду за выкананнем закона "Аб зброі". Зроблена гэта ў рамках правядзення мерапрыемстваў па выяўленні і канфіскацыі зброі і боепрыпасаў з незаконнага валодання грамадзян, распавялі ў Генпракуратуры.
Такое рашэнне звязана з трагічнымі падзеямі ў Мінскім метрапалітэне 11 красавіка 2011 года, і прынята ў мэтах папярэджання выкарыстання зброі, боепрыпасаў і выбуховых рэчываў, якія знаходзяцца ў незаконным абарачэнні, гаворыцца ў паведамленні Генпракуратуры.
«Перад пракурорамі пастаўлена задача неадкладна арганізаваць правядзенне комплексу мерапрыемстваў па ўзмацненні пракурорскага нагляду за законнасцю разгляду заяў і паведамленняў аб супрацьпраўных дзеяннях у дачыненні да агнястрэльнай зброі, у тым ліку паляўнічай гладкаствольнай, боепрыпасаў, выбуховых рэчываў, халоднай, газавай, пнеўматычнай або кідальнае зброі, а таксама за расследаваннем крымінальных спраў гэтай катэгорыі», — праінфармавалі ў ведамстве.
Акрамя таго, пракурорам прапанавана рэалізаваць з выкарыстаннем сродкаў масавай інфармацыі, сустрэчы з грамадзянамі, з працоўнымі калектывамі на гарадскім і раённым узроўнях, накіраваныя на растлумачэнне заўвагі да арт.295 УК аб вызваленні ад крымінальнай адказнасці грамадзян, якія добраахвотна здалі вышэйназваныя прадметы, пералічаныя ў арт. арт. 295-297 КК Рэспублікі Беларусь.
