Беларускія ўлады забаранілі сваім грамадзянам наведваць Абхазію і Паўднёвую Асетыю, заявіў намеснік міністра замежных спраў Грузіі Аляксандар Налбандаў. "Крок Беларусі варта высока ацаніць, паколькі гэтая краіна знаходзіцца пад каласальным прыгнётам Расіі", — сказаў грузінскі дыпламат.
Аляксандр Налбандаў таксама растлумачыў, што «як толькі адбыўся скрушны факт акупацыі нашых рэгіёнаў, мы звярнуліся практычна да ўсіх краін з просьбай улічыць, што любая прадпрымальніцкая дзейнасць у акупаваных рэгіёнах нелегальная, і, больш за тое, небяспечная», перадае АФН.
Як ужо паведамляў Тэлеграф, некалькімі днямі раней прэзідэнт Грузіі Міхаіл Саакашвілі сустракаўся з беларускім лідарам Аляксандрам Лукашэнкам у Крыме, куды абодва прыбылі, каб павіншаваць прэзідэнта Украіны Віктара Януковіча з днём нараджэння.
Пацяпленне ў стасунках паміж дзвюма краінамі надышло пасля таго, як парламент Беларусі адмовіўся прызнаць незалежнасць Абхазіі і Паўднёвай Асетыі.
Таксама ў чацвер вечарам, 15 ліпеня, Першы тэлеканал беларускага тэлебачання пакажа эксклюзіўнае інтэрв’ю з прэзідэнтам Грузіі Міхаілам Саакашвілі.
