У панядзелак, 28 лютага, урад непрызнанага прэзідэнта Кот-д'Івуара Ларана Гбагбо заявіў аб недакладнасці інфармацыі аб пастаўках у гэтую краіну баявых верталётаў з Беларусі. Як паведамляецца, пра гэта заявіў афіцыйны прадстаўнік адміністрацыі Ларана Гбагбо Дон Мело.
Як раней перадаваў Тэлеграф, генеральны сакратар ААН Пан Гі Мун выступіў з заявай, у якой абвінаваціў улады Беларусі ў парушэнні эмбарга на пастаўкі зброі, уведзенага ў дачыненні Кот-д’Івуара ў 2004 годзе. Паводле інфармацыі ААН, Мінск незаконна пачаў пастаўкі баявых верталётаў узброеным фармаванням, якія падтрымліваюць прэзідэнта Кот-д’Івуара Ларана Гбагбо, якога не прызнае сусветная супольнасць.
У сваю чаргу міністэрства замежных спраў Беларусі назвала дадзеную заяву генеральнага сакратара ААН «інфармацыйнай вайной» і «ілжывымі выдумкамі аб Беларусі». МЗС таксама ўсумніўся ў сапраўднасці заявы, што прыпісваецца Пан Гі Муну.
Па материлам РИА «Новости»