Начальнік упраўлення інвестыцый камітэту эканомікі Мінскага гарадскога выканаўчага камітэту Мікалай Ахраменка 13 кастрычніка паведаміў, што кітайскія інвестары плануюць пабудаваць у Мінску гатэлевы комплекс "Пекін". Адпаведную дамову з кітайскім бокам падпісаў старшыня Мінгарвыканкама Мікалай Ладуцька.
Як патлумачыў Мікалай Ахраменка, дамоўленасць аб будаўніцтве гатэлевага комплексу «Пекін» дасягнута падчас нядаўняга візіту ў Кітай прэзідэнта Беларусі Аляксандра Лукашэнкі. Комплекс «Пекін» плануецца ўзвесці ў раёне вуліцы Чырвонаармейская на беразе ракі Свіслач, перадае БелаПАН.
Гатэлевы комплекс плануецца здаць да 2014 года, да адкрыцця чэмпіянат свету па хакеі ў Мінску. Памер інвестыцый, укладзеных у рэалізацыю дадзенага праекту, складзе не менш за 200 млн. даляраў.
Як раней перадаваў Тэлеграф, Беларусь і Кітай падпісалі тры крэдытныя пагадненні, восем камерцыйных кантрактаў і два рамачных пагадненні па рэалізацыі двухбаковых праектаў у сферы энергетыкі, будаўніцтва, прамысловасці, дарожна-транспартнай інфраструктуры на агульную суму ў 3,5 млрд. даляраў. Цырымонія падпісання адбылася 11 кастрычніка ў Пекіне ў ходзе працоўнага візіту прэзідэнта Беларусі ў Кітай.
У той жа час, у ходзе сустрэчы прадстаўнікоў гарадскіх уладаў Мінску з афіцыйнай кітайскай дэлегацыяй з горада Харбіну на чале са старшынём Народнага ўрада Харбіну Лінем До, абмяркоўваліся пытанні рэалізацыі ў Мінску праекту па будаўніцтве комплексу «Чайна-таўн» і мікрараёна Лябяжы.
