Афіцыйны курс беларускага рубля ў адносінах да кошыка замежных валют, устаноўлены Нацыянальным банкам на 25 красавіка, ушчыльную наблізіўся да межаў калідора, вызначанага ўладамі ў памеры +/-8%. Па дадзеных Нацбанка, з пачатку года курс рубля да кошыка валют знізіўся на 7,99%.
Афіцыйны курс даляра на 25 красавіка ўстаноўлены ў памеры 3048 рублёў. У параўнанні з папярэднім курсам рубель упаў на 0,13%, а з пачатку года — на 1,6%. Таксама на 0,13% абясцэніўся беларускі рубель у адносінах да расійскай валюце — курс устаноўлены ў памеры 109,09 рублёў.
У той жа час у адносінах да еўра беларускі рубель умацаваўся на 0,22%, у параўнанні з папярэднім курсам, і склаў 4 443,98 рубля. Між тым, афіцыйны курс еўра, усталяваны Нацыянальным банкам Беларусі на 22 красавіка (4 453,98 рубля) з’яўляецца рэкордным з пачатку года. У параўнанні з 1 студзеня 2011 года дэвальвацыя беларускага рубля да еўра склала 11,87%.
Тым часам курс даляра ў беларускіх банках адрозніваюцца ад афіцыйнага курсу Нацбанка. Так, 21 красавіка «МТБанк» купляў даляры па безнаяўным разліку па курсе 5 000 рублёў. Абмен наяўнай валюты ў большасці беларускіх банкаў здзяйсняецца па курсе, што не перавышае парог у 2%, рэкамендаваны Нацбанкам у дачыненні абменнага курсу даляра.
На аўтамабільных рынках курс даляра вагаецца ад 3500 да 5 000 рублёў. У інтэрнэт-крамах абменны курс даляра таксама істотна адрозніваецца: ад 3 500 рублёў да 4 000 рублёў за даляр. Курс электронных грошай таксама вар’іруецца: 1 WMZ можна набыць за 3 950 — 4150 WMB, 1 WME — за 5555 — 6 270.
