Выканаўца абавязкаў старшыні Мінскага гарвыканкама Мікалай Ладуцька заявіў, што адмоўнае сальда Мінска складае чатыры мільярды даляраў. Па словах службоўцы, летась беларуская сталіца экспартавала прадукцыю на 3,7 млрд. даляраў, а імпартавала на 7,7 млрд. даляраў.
“Турбота пра такое значнае адмоўнае сальда сталічнага гандлёвага балансу выказалася ў нараканні з нагоды Нацыянальнай платформы бізнэсу-2010”, — адзначыў Мікалай Ладуцька, дадаўшы, што прапанаваны варыянт платформы не ў поўнай меры адлюстроўвае аспекты, якія рэгулююць замежнаэканамічную дзейнасць.
Па словах службоўцы, значную ролю ў развіцці Мінска будзе адыгрываць збалансаванае спалучэнне буйнога, сярэдняга і малога бізнэсу. Мікалай Ладуцька звярнуў увагу, што менавіта прыватны бізнэс, дынамічна развіваючыся, дазваляе нават у крызіс ствараць новыя працоўныя месцы і дадаваць новыя паступленні ў бюджэт, паведамляе «Ежедневник».
Выканаўца абавязкаў старшыні Мінскага гарвыканкама распавёў, што цяпер у Мінску зарэгістравана 81 тыс. суб’ектаў прадпрымальніцтва: 31 тыс. юрасоб і 50 тыс. індывідуальных прадпрымальнікаў.
